التسميات

الثلاثاء، 16 يونيو 2020

الثلاثاء، 16 يونيو 2020

كيفية إنشاء مصنع ملابس

كيفية إنشاء مصنع ملابس

بالنسبة لأشخاص كتير من قراء المدونة أو غيرها ، بيسأل عن أنه أزاى يبدأ أنه يصنع ملابس خاصة بيه، أكيد التخطيط لمشروع صناعة الملابس هي البداية الصحيحة، ولازم تخطيط كويس مبني على معلومات مهمة مش الكلام الخيالي اللي بقينا نسمع عنه دلوقتي.

الأهم من ده ، أنك تحدد رأس المال اللي هتدفعه ، وتحط مبلغ مش كبير في البداية  من رأس مالك أكيد لو موجود مبلغ راس مال كبير هيخليك تعمل مشروع كبير متنوع، ولكن في الغالب أحنا بنتكلم هنا عن مشاريع صغيرة، ومن المهم في المشاريع الصغيرة أن يكون تحديد الهدف منها دقيق وواضح لأن المجال بقي بيتغير بسرعة كبيرة أحنا بنتكلم عن موضه كل سنه بحال .

حتى لو موجود مبلغ كبيرمعاك ، أقترح أنك تبدأ المشروعً صغير في البداية ومع مرور الوقت، في معظم الحالات ، هتتعلم كتير في  السنة الأولى من تصنيع الملابس، ومن الأفضل يعني أنك تتعلم بتكلفة بسيطة في الأول، لأن خسارة المصانع الكبيرة بتبقي كبيرة جدا.

بعد كده ، تقدر تحدد هتبدي تصنع أيه وهتبقي أيه طبيعة شغلك.

كيفية إنشاء مصنع ملابس

أولا كده نوع منتج الملابس اللي هتبتدي تصنعه :


مصانع الملابس مقسمة إلى أقسام مصانع انتاج الاقطان زي التيشيرت وبيجامات البيت والسويت شيرت وجميع الموديلات  الشبيهة، ودي بنستخدم ليها المكن الاوفر ال 4 فتلة والاورليه، ده غير الأقمشة المنسوجة زي الفسكوز و الكريب والجينز والاقمشة المشابهة التي تستخدم في انتاج التونك والبنطلون والفستان، وتعتمد أساسا على ماكينات السنجر والماكينات الاوفر 3 فتلة, وفي أنواع كتير من المكن المتخصص اللي بيبسط علينا الشغل .

بناءً على الكلام ده، تقدر تبدأ في تحديد المطلوب للمشروع.

علي العموم، الشغل في القماش القطن أسهل بكتير من الشغل في الأقمشة المنسوجة.


ثانيا تحديد نوع مجال تصنيع الملابس :


فهل ستعمل في مجال الملابس البيتي ولا الملابس الكاجوال و المحجبات، في البداية لازم تحدد المجال بدقة فمثلا رغم ان المكن المستخدم في انتاج الفستان والبنطلون الجينز الا ان شكل الباترون و طبيعة الخامة مختلفة جدا، وعلشان كده تجد ان الباترونست يعمل في واحد فقط منهما زي ما العامل أتعود على التعامل مع أحدهم فلا يستطيع التعامل مع الخامة الأخرى، تخيل ان احد العمال يتعامل مع الفسكوز لمدة سنة او سنتين كيف يمكن له التعامل مع قماشة الجينز او العكس ؟

بعد ما تحدد المعلومات دي كويس ، هتعرف تختار العمال الذين سيعملون معك.


ثالثا الناتج المتوقع :


بالنسبة لحجم الإنتاج المطلوب ، يمكنك تحديد نظام الإنتاج، من أشهر الأنظمة في مصر هو ان يقوم العامل بإنتاج كامل قطعة الملابس بنفسه، ويوجد نظام آخر لكل عامل لتنفيذ مرحلة واحدة فقط وفي هذه الحالة يجب تحديد مراحل انتاج قطعة الملابس وتحديد مكنة لكل مرحلة يعمل عليها واحد من العمال، وترتيب وضع المكن علي حسب ترتيب المراحل في قطعة الملابس.

يمكن حساب الناتج المتوقع لكل مكنة أو خط إنتاج على أساس يومي وشهري لفهم كمية القماش المطلوبة لتشغيل المصنع.

يتيح لك توفر هذه المعلومات البدء في شراء المكن.


رابعا نصائح لبدء تصنيع الملابس :


في بداية المشروع ، لازم تراعي الأمكانيات المتاحة و سهلة التوفر، بعد كده تحدد الأهداف بتاعتك، بحيث تكون الأمكانيات مظبوطة جدًا ومش وهمية, على سبيل المثال : عندما تريد أنشاء مشروع ، يجب أنك تفكر في المبلغ اللي ممكن توفيره ، ثم تحدد مقدار العمل وفقًا لهذا المبلغ.

لازم تعمل حساب للوقت ومتتوقعش أنه يكون أكبر مصنع في مصر في أول سنة, أكيد الطموح مفيد، بس الواقعية مهمة.

حط أهدافً واضحة لنفسك، ولازم تعمل دراسة للسوق ليمكنك تحديد هذه الأهداف، هل ستعمل مثلا في الملابس الكاجوال و المحجبات ؟ فا لازم تعرف أيه هي أسعارها وأيه هي الاقمشة المستخدمة وأيه هي شكاوي المستهلكين علشان تقدر تحلها وتقدم منتج مناسب لهم، الفشل في تحديد الهدف أو عدم وضوحه يمنع الشخص من تحقيق ما يريد أو لا يعرف ما يريد.

في بداية المشروع ، أكيد هتواجه حاجات كتير جدا فا أصبر مفيش حاجه سهلة، ومع الوقت هتبتدي تفهم وتعدل الخطط اللي بدأت بيها، وهتبدل مكن معين وتعدل مجال عمل المشروع ، وممكن أنك تصنع في مصانع تانية مش شرط في البداية يكون عندك مصنعك في مصانع كتير في مصر بتعمل كده علشان تتجنب الخسارة وتعكل أنجاز في الوقت.


وياريت لو تعرف شخص متمرس تتعلم منه ويكون موثوق فيه هيكون أفضل كتير.

هناك تعليق واحد:

جميع الحقوق محفوظة لــ أثياب 2017 ©